Me sukses u zhvillua Trajnimi dy-ditor Bootcamp për Strukturat e Migracionit dhe Diasporës në Bashki
Shoqata Kombëtare e Bashkive të Shqipërisë, në bashkëpunim me Organizatën Ndërkombëtare për Migracionin (IOM), Misioni në Shqipëri, organizoi trajnimin mbi Platformën Dixhitale për Rrjetin Vendor mbi Migracionin dhe Diasporën.Ky aktivitet zhvillohet në kuadër të projektit të financuar nga Mbretëria e Bashkuar, “Forcimi i Kapaciteteve Institucionale Vendore për Migracionin në Shqipëri”, me qëllim fuqizimin e kapaciteteve të bashkive në menaxhimin e çështjeve të migracionit dhe angazhimin e diasporës. 
Gjatë trajnimit u trajtuan:
Përmbledhja e SOP-ve për migracionin e brendshëm dhe angazhimin e diasporës Hyrja në Platformën LNM – transparencë, llogaridhënie dhe gjurmim i aktiviteteve Menaxhimi i aksesit dhe mbrojtja e të dhënave 
Proceset e automatizuara për dokumentacionin dhe raportimin nga bashkitë
Pjesëmarrësit u angazhuan në diskutime interaktive dhe sesione praktike, duke testuar funksionalitetet e platformës dhe duke ndarë përvoja konkrete nga puna e tyre në nivel vendor.
Së bashku për një qeverisje vendore më efikase, më transparente dhe më të koordinuar në fushën e migracionit dhe diasporës!