Nis vizita studimore në Stokholm, SuediSot filloi dita e parë intensive e vizitës studimore në Suedi, ku së bashku me kryetarët e bashkive Gëzim Topçiu,Oltion Çaçi dhe @Miftar Dauti, nënkryetaren e Bashkia Tiranë @Vasilika Vjero si dhe Drejtoreshën Ekzekutive Adelina Farrici, zhvilluam takime me organizatën homologe suedeze @SALAR
Gjatë kësaj dite, u njohëm nga afër me modelin suedez të qeverisjes vendore dhe rolin kyç të SALAR në mbështetjen e bashkive, përmes diskutimeve mbi:
Funksionimin e sistemit të vetëqeverisjes vendore dhe ndarjen e kompetencave Rolin e SALAR si partner strategjik dhe zë përfaqësues në nivel kombëtar dhe europian Angazhimin e pushtetit vendor në proceset e integrimit europian Përvojat e vendeve ish-kandidate në përfshirjen e bashkive në procesin e anëtarësimit Modelet e avancuara të pjesëmarrjes së qytetarëve në vendimmarrje Sistemin e barazimit financiar si mekanizëm për zhvillim të balancuar ndërmjet bashkive
Diskutimet u fokusuan gjithashtu në praktikat më të mira në funksion të integrimit europian, si dhe në rolin e pushtetit vendor në këtë proces. Një vëmendje e veçantë iu kushtua reformës administrativo-territoriale, duke u ndarë sugjerime konkrete për një reformë funksionale, të qëndrueshme dhe gjithëpërfshirëse.Ky shkëmbim përvojash përbën një hap të rëndësishëm drejt forcimit të kapaciteteve të bashkive shqiptare dhe afrimit me standardet europiane të qeverisjes vendore.
Vizita u organizua në kuadër të projektit “Fuqizimi i SHKBSH”, me mbështetjen e Swiss Development & Cooperation Albania.