Javën e kaluar, nën kujdesin e Kryetares së Bashkia Durres, zj.Emiriana Sako, u zhvillua në Durrës lançimi i programit “EU4Municipalities II”, ku #ShKBSH mori pjesë si partnere në këtë iniciativë të rëndësishme për forcimin e qeverisjes vendore dhe avancimin e procesit të integrimit evropian në nivel lokal.
Në aktivitet morën pjesë KryeministriZ. Edi Rama, Ambasadori i Bashkimit Evropian Z. Silvio Gonzato, përfaqësues të partnerëve ndërkombëtarë, si dhe kryetarë bashkish nga i gjithë vendi.
Me një mbështetje prej 11 milionë eurosh nga European Union in Albania, programi synon të mbështesë bashkitë shqiptare përmes:
investimeve në infrastrukturë dhe shërbime publike modernizimit të qeverisjes vendore forcimit të kapaciteteve për përthithjen dhe menaxhimin e fondeve të BE-së 
Gjatë panelit të diskutimit me kryetarë të bashkive përfituese Z.Gledian Llatja zj. Eriselda Sefa dhe Drejtoreshen Ekzekutive të SHKBSH-së zj. Adelina Farrici u theksua rëndësia e projektit dhe impakti konkret që ai ka sjellë në nivel vendor, veçanërisht përmes granteve direkte për bashkitë. Diskutimi vuri në fokus gjithashtu rolin e Shoqatës Kombëtare të Bashkive të Shqipërisë në mbështetjen e bashkive, forcimin e bashkëpunimit ndërvendor dhe promovimin e shkëmbimit të praktikave më të mira drejt standardeve evropiane.
Si partnere e projektit, SHKBSH do të vijojë të kontribuojë në forcimin e bashkëpunimit ndërmjet bashkive, institucioneve qendrore dhe partnerëve evropianë, në funksion të zhvillimit të qëndrueshëm vendor dhe afrimit të standardeve evropiane në çdo bashki të Shqipërisë.