Në një takim konstruktiv me ekipin e Fondit Monetar Ndërkombëtar (FMN), drejtoresha ekzekutive e #ShKBSH Zj. Adelina Farrici diskutoi mbi sfidat dhe perspektivat e financave të qeverisjes vendore në Shqipëri, me fokus në:

• të ardhurat e bashkive nga burimet e veta dhe transfertat

• nevojën për forcim të autonomisë fiskale vendore

• përmirësimin e marrëdhënieve financiare mes qeverisjes qendrore dhe asaj vendore

⸻

Në këtë kuadër, SHKBSH, në vijim të reformës administrativo-territoriale, ka hartuar një dokument të detajuar për përmirësimin e financave vendore, i cili i është dorëzuar Komisionit të Posaçëm për Reformën dhe Decentralizimin.

⸻

Rekomandimet kryesore të SHKBSH:

• Rritje graduale e financimit vendor nga ~1% në 2–5% të PBB-së

• Forcim real i autonomisë fiskale të bashkive

• Rritje e përqindjes së përfitimit së bashkive nga TAP dhe renta minerare

• Zgjerim i taksave të ndara për më shumë stabilitet financiar

• Rishikim i formulës së Transfertës së Pakushtëzuar

• Forcim i mekanizmave të ekualizimit mes bashkive

• Krijimi dhe funksionalizimi i kadastrës fiskale në nivel vendor

• Rritje e të ardhurave nga taksa e pronës dhe kontroll më i mirë i territorit

• Indeksim automatik i transfertës (inflacion + rritje ekonomike)

• Sigurim i parashikueshmërisë fiskale afatgjatë

• Mekanizëm kompensimi për vendimet fiskale të qeverisë qendrore

• Shpërndarje më e drejtë e granteve të investimeve në nivel rajonal

⸻

Qëllimi i këtyre propozimeve është forcimi i autonomisë fiskale, ulja e pabarazive ndërmjet bashkive dhe ndërtimi i një sistemi më të drejtë dhe të qëndrueshëm të financimit vendor në Shqipëri