GreenElb – një hap konkret drejt një Elbasani më të gjelbër dhe të qëndrueshëm!Gjatë Konferencës Përfundimtare të projektit GreenElb, të zhvilluar në Elbasan nën kujdesin e Kryetarit të Bashkisë, z. Gledian Llatja, Shoqata Kombëtare e Bashkive të Shqipërisë vlerësoi rezultatet e një rrugëtimi 24-mujor, të fokusuar në efiçencën energjetike dhe zhvillimin e zgjidhjeve të qëndrueshme në nivel vendor.
Në fjalën e saj përshëndetëse, znj. Adelina Farrici, Drejtore Ekzekutive e SHKBSH, theksoi se eksperienca e GreenElb përbën një praktikë të vlefshme, jo vetëm për Elbasanin, por edhe për bashkitë e tjera të vendit. Modele të tilla pilot krijojnë mundësi konkrete për t’u përshtatur dhe replikuar, duke nxitur kursimin e energjisë, përmirësimin e ndërtesave dhe përfshirjen e qytetarëve dhe komunitetit.
GreenElb është një shembull i mirë se si bashkëpunimi, inovacioni dhe përvoja lokale mund të shndërrohen në hapa konkretë drejt qyteteve më eficiente, më të qëndrueshme dhe më miqësore me mjedisin.
Urime Bashkia Elbasan dhe të gjithë partnerëve të projektit për rezultatet e arritura dhe kontributin e tyre në avancimin e agjendës së gjelbër në nivel vendor!