FTESË PËR OFERTË
| Emri: | Shoqata Kombëtare e Bashkive të Shqipërisë (SHKBSH) |
| Adresa: | Rr. “Ibrahim Rugova”, Kompleksi Green Park, Kulla 2, Tiranë |
| E-mail: | [email protected] |
| Afati i dorëzimit të ofertës: | 11.03.2026 |
Shoqata Kombëtare e Bashkive të Shqiperisë po zbaton projektin “Empowering Municipalities for Transparent CSO Grants” në kuadër të Programit Rajonal mbi Demokracinë Vendore në Ballkanin Prendimor 3 (ReLOaD3), i cili financohet nga Bashkimi Evropian dhe zbatohet nga Programi i Kombeve të Bashkuara për Zhvillim (UNDP), duke mbështetur bashkitë në zhvillimin e mekanizmave transparente të financimit për OSHC-të, në mënyrë që të përmirësojë ofrimin e shërbimeve për qytetarët në komunitetin lokal. Në kuadër të këtij projekti, SHKBSH fton subjektet e interesuara të shprehin interesin për prodhimin dhe printimin e materialeve të branduara që përfshijnë: dosje, stilolapsa, blloqe shënimesh, broshura dhe roll-up, me logot e projektit dhe donatorit, për përdorim gjatë trajnimeve, workshop-eve dhe takimeve, me qëllim promovimin e identitetit të projektit. Dizajni i materialeve do të sigurohet nga SHKBSH sipas manualit të brandimit.
Kushtet për pjesëmarrje:
Të gjithë subjektet e interesuara duhet të dorëzojnë ofertën e tyre sipas kushteve të përgjithshme dhe specifikemeve teknike në tabelën e mëposhtme të kësaj ftese deri më 11 Mars 2026, në adresën e e-mailit: [email protected] ose në adresën postare: Rr. “Ibrahim Rugova”, Kompleksi Green Park, Kulla 2, Tiranë.
Specifikimet Teknike:
Për këtë projekt, SHKBSH do të zhvillojë procedurën e prokurimit për produktet dhe shërbimet, në përputhje me përshkrimet e detajuara në tabelën më poshtë:
| Nr | Përshkrimi i mallit/ shërbimit/ | Njësi |
Sasi |
Çmimi/njësi
Me TVSH në Lek |
| 1 | Dosje me letër 350 gr, e plastifikuar mat, me xhep nga brenda, personalizim full print me logo | Copë |
120 |
|
| 2 | Stilolapsa me rezerve ngjyre blu me logo | Copë | 120 | |
| 3 | Bllok me hard cover, përmasë A5 (21×14.5 cm), personalizim full print | Copë | 120 | |
| 4 | Broshurë A4, letër 200 gr, full print | Cope | 120 | |
| 5 | Roll-up me mekanizëm, përmasë 85×200 cm, full print | Copë | 1 |
Specifikime të përgjithshme teknike:
- Materialet duhet të jenë cilësore, të qëndrueshme dhe të printuara me qartësi.
- Logoja e projektit dhe e donatorit duhet të jetë e dukshme dhe sipas manualit të brandimit që do të sigurohet nga SHKBSH.
- Dorëzimi i materialeve duhet të bëhet brenda datës 03.04.2026, në adresën: Rr. “Ibrahim Rugova”, Kompleksi Green Park, Kulla 2, Tiranë
Kushte të përgjithshme:
- Subjektet duhet të jenë të regjistruar dhe licensuar rregullisht me objekt veprimtarie shërbimet e kërkuara;
- Preferohen subjekte të regjistruar me aktivitet në territorin e Republikës së Shqipërisë.
- Dorëzimi i ofertës do të bëhet vetëm nëpërmjet email në adresën e organizatës info@shkb,al brenda datës 11.03.2026 ose në adresën postare “Ibrahim Rugova”, Kompleksi Green Park, Kulla 2, Tiranë. Nuk pranohen ofertat dorazi.
- Pagesa e subjektit kryhet me transfertë bankare pas marrjes së shërbimit dhe lëshimit të faturës përkatëse.
Në ofertën e tij, ofertuesit duhet të paraqesë të dhënat e plota të personit te kontaktit. Gjithashtu ofertuesit, krahas Ofertës financiare të plotësuar, e cila duhet të jetë në ALL dhe TVSH të identifikohet në kosto/çmim, duhet të paraqesin edhe këto dokumenta:
- Licencën për ushtrimin e aktivitetit ose Ekstraktin e QKB te marre deri nje dite para postimit te ofertes;
- Ofertën financiare për çdo set sipas tabelës më sipër.
- Numrin e llogarisë bankare.
Operatori që ofron shërbimin me çmimin më të ulët dhe në përputhje me specifikimet teknike sipas ftesës, do të njoftohet për të nënshkruar kontratën.