Sot, Shoqata Kombëtare e Bashkive të Shqipërisë (SHKBSH), në bashkëpunim me projektin Bashki të Forta, organizoi takimin për prezantimin dhe diskutimin e gjetjeve të Anketës Kombëtare për Arsimin Parashkollor 2025.Në takim morën pjesë drejtues nga #AMVV, Ministria e Financave, Ministria e Arsimit dhe Sportit, Save the Children Albania dhe projekti BtF, në kuadër të Grupit Ndërinstitucional të Punës.
Gjetjet evidentuan arritje të rëndësishme, si:
përmirësimin e shërbimit në përmbushjen e standardeve të shërbimit; rëndësinë e bashkëpunimit dhe koordinimit me qeverisjen vendore, veçanërisht në raport me kuadrin ligjor;. domosdoshmërinë që përmirësimi i standardeve të shërbimit të shoqërohet me transferimin e financave përkatëse.
Njëkohësisht, u theksuan sfida në drejtim të:
Plotësimit me staf të kualifikuar, sidomos për punonjësit socialë dhe psikologët;Përdorimit të portalit “Mësues për Shqipërinë” për gjetjen e stafit të kualifikuar;. Përshtatjes së infrastrukturës për fëmijët me aftësi të kufizuara. SHKBSH riafirmoi rolin e saj udhëheqës në koordinimin ndërinstitucional, mbështetjen e bashkive dhe promovimin e barazisë territoriale në ofrimin e shërbimeve të arsimit parashkollorë. Rekomandimet kryesore fokusohen në investime infrastrukturore, fuqizimin e burimeve njerëzore, rritjen e buxhetit dhe forcimin e bashkëpunimit ndërinstitucional për përmirësimin e cilësisë së arsimit parashkollor në Shqipëri 
Ky aktivitet u mbështet nga projekti Bashki të Forta, i @Agjencisë Zvicerane për Zhvillim dhe Bashkëpunim SDC Embassy of Switzerland in Albaniadhe Embassy of Sweden in Tirana, dhe zbatohet nga Helvetas. 