Sot organizuam takimin e radhës së Rrjetit “Gratë në Lidership”, së bashku me kryetaren e rrjetit zj. Majlinda Bufi, bashkëkryetaren e Shoqatës Kombëtare të Bashkive të Shqipërisë zj. Emiriana Sako, kryetare bashkish dhe këshillash, si dhe me pjesëmarrjen e përfaqësuesve të lartë të donatorëve dhe ekspertëve të fushës.

Takimi u zhvillua nga Shoqata Kombëtare e Bashkive të Shqipërisë në bashkëpunim me Projektin Bashki të Forta financuar nga Agjencia Zvicerane për Zhvillim dhe Bashkëpunim (SDC) Embassy of Switzerland in Albania dhe Embassy of Sweden in Tirana, dhe zbatuar nga Helvetas

Gjatë diskutimeve:

Theksuam rëndësinë e bashkëpunimit mes grave në nivel vendor për forcimin e rolit të tyre në vendimmarrje.

Nënvizuam tendencën pozitive të rrjetëzimit dhe solidaritetit mes grave lidere.

Diskutuam arritjet dhe prioritetet e Rrjetit.

Trajtuam zhvillimet ligjore dhe detyrimet e pushtetit vendor lidhur me dhunën me bazë gjinore.

Dakordësuam planin vjetor të aktiviteteve, me nisma konkrete dhe hapa të qartë përpara.

Të gjitha u dakordësuam për të ndërmarrë nisma të përbashkëta konkrete, duke forcuar koordinimin mes bashkive dhe duke garantuar që prioritetet e barazisë gjinore të përkthehen në veprime reale në nivel lokal.

Ky aktivitet synon të forcojë më tej lidershipin e grave në nivel vendor dhe të avancojë politika lokale të qëndrueshme për barazi gjinore.

Bashkëpunimi mes grave nuk është vetëm një zgjedhje – është një domosdoshmëri për një qeverisje më të drejtë, më përfshirëse dhe më të fortë.