Dita e dytë e Asamblesë së Përgjithshme të NALASNë kuadër të punimeve të Asamblesë së Përgjithshme të NALAS, patëm kënaqësinë të kontribuojmë në diskutime të rëndësishme mbi zhvillimin e qëndrueshëm dhe qeverisjen vendore.
Kryetarja e “Bashkia Lushnje”, zj.Eriselda Sefa, dhe Drejtoresha Ekzekutive e SHKBSH, zj. Adelina Farrici, ndanë përvojat në panelin e mbështetur nga UN Women Albania:“Shkëmbimi i praktikave të mira: Fuqizimi i të rinjve dhe grave dhe integrimi i ekonomisë qarkulluese në Evropën Juglindore”
Gjatë panelit theksuan rëndësinë e:
Fuqizimit të të rinjve dhe grave, si një motor real i zhvillimit ekonomik lokal Bashkitë kanë rol kyç në krijimin e mundësive për punësim, sipërmarrje dhe inovacion Ekonomia qarkulluese duhet të integrohet në politikat vendore si një qasje konkrete për zhvillim të qëndrueshëm
Gjithashtu, ato morën pjesë në panelin:“Shkëmbimi i përvojave të shoqatave: Reformat territoriale në Evropë – mësime të nxjerra”
Në këtë sesion u ndanë mësime të rëndësishme mbi reformat territoriale: Nevoja për procese gjithëpërfshirëse dhe dialog të vazhdueshëm me pushtetin vendor Balancimi mes efikasitetit, autonomisë vendore dhe cilësisë së shërbimeve Rëndësia e forcimit të kapaciteteve dhe burimeve financiare për zbatim efektiv
Përfaqësueset nga Shqipëria sollën në vëmendje përvojën e reformës territoriale, duke theksuar nevojën për një qasje më strategjike në vijim, me fokus në decentralizimin funksional dhe financiar dhe në përmirësimin e shërbimeve për qytetarët.
Një shkëmbim i vlefshëm përvojash që kontribuon në ndërtimin e politikave më të mira për të ardhmen e pushtetit vendor!