Shoqata Kombëtare e Bashkive të Shqipërisë (SHKBSH), në bashkëpunim me projektin “Bashki të Forta“, organizuan javën e kaluar workshopin e Forumit të Performancës, me fokus në përdorimin e instrumenteve të performancës dhe të dhënave si shtyllë e qeverisjes vendore .

Kishim kënaqësinë të kishim prezente Znj. Majlinda Bufi, Kryetare e Bashkia Roskovec, e cila në fjalën e saj përshëndetëse theksoi: “Sa më lehtësisht të arritshme dhe të zbatueshme të jenë të gjithë elementët e performancës, aq më e vlefshme bëhet arritja e objektivave që mundësojnë përmirësimin e shërbimeve për qytetarët.”

Ndërsa Znj. Adelina Farrici theksoi rëndësinë e forcimit të kulturës së performancës në nivel vendor dhe përdorimit sistematik të të dhënave si bazë për vendimmarrje më efektive dhe transparente . Ajo nënvizoi gjithashtu nevojën për bashkëpunim të vazhdueshëm ndërmjet bashkive dhe institucioneve partnere për të avancuar këtë proces.

Gjatë aktivitetit u diskutuan:

Procesi i hartimit të Raportit Kombëtar të Performancës për të dhënat e vitit 2025

Sfidat dhe arritjet e bashkive në monitorimin dhe raportimin e performancës

Integrimi i kurrikulës së performancës në programet trajnuese

Praktikat më të mira të bashkive në përdorimin e instrumenteve të performancës për politikëbërje dhe vendimmarrje

Në fund të workshopit, ndamë tre praktika të mira nga bashkitë në përdorimin e instrumenteve të performancës:

Bashkia Shkodër

Bashkia Elbasan

Bashkia Pogradec (Faqe Zyrtare)

Workshopi shërbeu si një platformë bashkëpunimi dhe shkëmbimi përvojash ndërmjet bashkive, ekspertëve dhe institucioneve partnere, duke promovuar transparencën, llogaridhënien dhe përdorimin e evidencës në zhvillimin e politikave publike vendore .

Ky aktivitet u mbështet nga projekti “Bashki të Forta”, i financuar nga Agjencia Zvicerane për Zhvillim dhe Bashkëpunim (SDC) Swiss Development & Cooperation Embassy of Switzerland in Albania dhe Embassy of Sweden in Tirana, dhe zbatohet nga Helvetas