Javën e kaluar organizuam një takim pune me përfaqësues të Bashkia Shkodër, Bashkia Berat, Bashkia Kolonjë dhe Bashkia Divjake, ku në fokus të diskutimeve ishte decentralizimi në sektorët e bujqësisë 
arsimit 
dhe shëndetësisë 
Përtej vlerësimit të progresit në zbatimin e Marrëveshjeve të Bashkëpunimit ndërmjet bashkive dhe ministrive përkatëse, grupi i punës identifikoi një sërë rekomandimesh për avancimin e mëtejshëm të procesit të decentralizimit.
Në sektorin e bujqësisë u diskutua:
Rritja e rolit të bashkive në qiradhënien e tokës shtetërore; Reformimi i shërbimit këshillimor bujqësor; Formalizimi i qeverisjes ndërbashkiake për sistemet e ujitjes dhe kullimit.
Në sektorin e arsimit: Fuqizimi i rolit të bashkive në administrimin e arsimit parauniversitar; Decentralizimi gradual i portalit “Mësues për Shqipërinë”.
Në sektorin e shëndetësisë: Furnizimi i qendrave shëndetësore me pajisje mjekësore nga bashkitë; Rritja e rolit të bashkive në planifikimin dhe menaxhimin e përditshëm të qendrave shëndetësore.Ky aktivitet u zhvillua në kuadër të projektit “Fuqizimi i Shoqatës Kombëtare të Bashkive”, financuar nga Agjencia Zvicerane për Zhvillim dhe Bashkëpunim (SDC)Swiss Development & Cooperationdhe mbështetur nga Rrjeti i Shoqatave të Autoriteteve Vendore në Europën Juglindore (NALAS), në funksion të forcimit të zërit të bashkive dhe konsolidimit të përfaqësimit të tyre në nivel kombëtar.