Takime konsultuese në Shkodër dhe Durrës për forcimin e mekanizmave vendorë të mbrojtjes nga dhuna me bazë gjinore
Shoqata Kombëtare e Bashkive të Shqipërisë (SHKBSH), në partneritet me Barazi Në Vendimmarrje, @SEH – Qëndra Strehëza Edlira Haxhiymeri, Bashkia Durres dhe Bashkia Shkodër, zhvilloi fokus grupe dhe takime konsultuese në këto bashki në kuadër të aktivitetit “Municipal Needs Assessment and Service Gap Analysis”, pjesë e projektit “Safe Together Albania: Women Alliances Leading the Way in Survivor Protection”.
Ky projekt financohet nga Programi CERV (Citizens, Equality, Rights and Values) i Bashkimit Evropian dhe synon të forcojë mekanizmat vendorë të mbrojtjes, referimit dhe mbështetjes për gratë dhe vajzat e mbijetuara të dhunës me bazë gjinore dhe dhunës në familje.
Në fokus grupet morën pjesë përfaqësues të Mekanizmit të Koordinuar të Referimit (MKR), institucioneve vendore, Policisë së Shtetit, sektorit shëndetësor dhe arsimor, organizatave të shoqërisë civile, AKPA-së, qendrave të shërbimeve sociale, si edhe gra dhe vajza të mbijetuara të dhunës, të cilat ndanë përvojat dhe rekomandimet e tyre. Gjithashtu, u zhvilluan takime konsultuese me drejtuesit e bashkive dhe strukturat përgjegjëse për shërbimet sociale dhe barazinë gjinore.
Gjetjet dhe rekomandimet e mbledhura do të shërbejnë për identifikimin e boshllëqeve në shërbimet ekzistuese dhe hartimin e rekomandimeve konkrete për forcimin e sistemit vendor të mbrojtjes, referimit dhe mbështetjes për gratë dhe vajzat e mbijetuara të dhunës.