Blerim Shera ka lindur në Tiranë më datë 09.03.1984
Z.Shera ka kryer studimet e larta pranë Universitetit të Tiranës, në fakultetin e Shkencave Sociale, në fushën Filozofi Sociologji. Ai ka kryer disa specializime dhe mban titullin “Master Profesional” në profilet, “Psikolog në institucione”, “Drejtim dhe Administrim Arsimi”. Më pas ka ndjekur ciklin e studimeve të doktoraturës në Universitetin e Tiranës.
Fokusi tij i hulumtimit ka qenë kryesisht në fushat e politikave sociale, duke shërbyer nga viti 2008-2022 si punonjës psikosocial në disa shkolla të Bashkisë Vorë. Ai ka ndjekur shumë trajnime, duke zotëruar eksperiencë kryesisht në grupet teknike ndërsektoriale, në trajtimin psikosocial dhe mbrojtjen e fëmijëve.
Blerim Shera është i martuar dhe prind i një djali. Familja e tij është shumë e lidhur me qytetin e Vorës, prindërit e tij kanë qenë arsimtarë me një kontribut të rëndësishëm në arsim dhe me konsiderata të larta në komunitet.
Më 6 Mars 2022, Blerim Shera u zgjodh Kryetar i Bashkisë Vorë.